Labe, 16 2ɓuru (IBC) – Ardiiɗo oo NFD, partii Muktar Jallo, ka laamateeri Labe, Mamadu Jan Ngaajikoo no hakkude ɓiɗaare yiugol yiite nge andaaka ka iwri no sunna royroytina cunci, miranji e aalaaji goo ka daakunde makko kartiee Daaka jeyaaɗo e ndee saare Labe e welo welo jibinaneede boobo gorko.
Heɓiinii ko yahata wa balɗe tanti, Mamadu Jan Ngaajiko, ardiiɗo NFD on ka laamateeri Labe no wondi e annde humondirnde e ko daakunde makko nden woni sumude ñanndewo e ñannde ñalorma teɗɗan fewdo ka tawata kuuran alaa e saare nden.
Waa o landaama fii ngee yiite wonnge e immaade ka makko ñandewo e ñannde, Mamadu Jan Ngajiko holli o faltaaki hay e huunde e kooko woni mo heɓude, kono o wattanii yiila o tawi ka fuɗɗoode e asewe on ko sonnaajo makko on, wonndunooɗo e reedu hewtundu, andiniɓe curki no suurude ka suudu.
Binbi nden ñannde, ko e nder saabur goo yiitengen yalti sunni piiji buy. Ko fewndo ka tawata ɓeynguurenden, kawtalngal e naɓidaaɓe makko no jiɓii no ƴettitira, sonnaajo makko on jibini boobo gorko e alati on jenma.
Ɓaawo oo boobo jibineede artira welo welo ka ɓeynguure, ngee yiite nge anndaaka ka iwri artii kadi ka galle ton. E ngal non koka cuuɗi yaasi ka ɓeynguurenden hootiri ɗon nge naati.
Ɗoo yo’o andu ko honɗun woni sombo ɗun, Mamadu Jan Ngaajiko no weltanii kawtalmakko ngal et halfinaaɓe ɗanninngol giiteeliɗin ka saare labe fii koɓe yawnii waltigol mo ngol ɗanninngol giiteeli wonɗi arde ka makko ɗin.
IBC/16/2ɓuru/2021 ISD
